„МАКЕДОНИЈА ТРЕБА ДА БИДЕ СЛОБОДНА, КАКО СЕКОЈА ДРУГА ДРЖАВА И НАЦИЈА“ – 1903 г.

Васил Стефанов, македонски иселеник во САД, интелектуалец и револуционер, само неколку месеци пред македонското национално Илинденско востание во 1903 година, дал изјава за состојбите во Македонија. Имено, за западните весници, тој рекол:

– „Македонија не сака ништо друго освен слобода. Ние, нејзините луѓе, не сакаме ништо друго освен да ставиме крај на сите ѕверства, свирепости и варварства на Турчинот. Не сакаме ништо друго освен мир и хармонија. Не сакаме ништо друго освен законите да бидат еднакви за сите и правдата да се спроведува за сите… Ние не сакаме ништо друго освен она што е исправно и чесно да го има секоја земја или нација. ГО БАРАМЕ И СЕКОГАШ ЌЕ ГО БАРАМЕ. Мора да го имаме. Дури и ако тоа нè чини живот, новата генерација ќе ја цени и ќе ужива во слободата што ја купивме со нашата крв.“

Познатиот македонски водач, како што самиот се потпишува, потоа вели дека ниту Турците, ни Македонците не ја сакаат „полигамната религија“ на султанот (посочувајќи го многуженството и харемите на отоманските благородници), како и оти, покрај Македонци, и бројни млади Турци бегаат од Султанатот. Уште повеќе, како и христијаните од Македонија и Ерменија, и тие – младите Турци исто толку сакаат да го симнат султанот од престолот, сведочи Стефанов.

ИЗВОР: “Boone County Republican”, 5 јуни 1903 г., стр. 2.

Васил Стефанов е роден во 1859 година, во Македонија. Кога бил дете, Турците го убиле неговиот татко. Бил активен во Македонија (Европска Турција) и Бугарија кон крајот на 1880-тите. Тој бил затворен, поради (како што самиот тврдел) – „лажно сведочење во рацете на лажните браќа“. Подоцна избегал, т.е. се отселил во Америка, поточно во сојузната држава Мичиген. Верските списанија го нарекуваат генерал на македонскиот отпор. Во 1894 година сè уште е приврзаник на „Стражарска кула“ (друштво на верското малцинство Јеховини сведоци во САД и ширум светот), но во 1903 г. се оддалечил од друштвото, поради поврзаност со масоните. Во истовреме Стефанов се упатил назад во Македонија за да се бори против Турците-Османлии.

ИЗВОР: Порталот „Watch Tower History“ на Јеховините сведоци

In English: Basil Stephanoff was active in Macedonia (European Turkey) and Bulgaria in the late 1880’s. He was imprisoned because (he claimed) false testimony at the hands of false brethren. He escaped to America, settling in Michigan. He was still a “Watch Tower” adherent in 1894, but drifted away by 1903 when we find him involved with the Masons and on his way back to Macedonia to fight against the Turks. A religious journal calls him a General in the Macedonian resistance.

“Watch Tower” is a society of Jehovah’s Witnesses founded in 1884, in the USA. ——/