Уште една тажна вест пристигна од Турција, каде бројот на жртвите од разорниот земјотрес кај нашиот јужен сосед и Сирија веќе надмина 5.000 луѓе. Под урнатините во градот Кахраманмарас беа пронајдени и телата на ѕвездената одбојкарска двојка Бетул Чобан Чакар и Бедретин Чакар.

„Нашата болка е голема… Со длабока тага дознавме за смртта на Бетул Чобан Чакар, кој со години го претставуваше нашиот клуб на најдобар начин и нејзиниот сопруг Бедретин Чакар, исто така одбојкар. Посакуваме Божја милост на нашата спортистка и нејзиниот сопруг, нека ви е рајот…“, се вели во соопштението на клубот Меринос, каде настапуваше Бетул. 

Таа имаше 27 години, а нејзиниот сопруг, кој беше две години постар, играше за клубот Халкбанк (Анкара).