„ОВА МОЖЕ ДА ЈА УНИШТИ АМЕРИКА“ Белорускиот министер тврди дека бил на ТАЈНИ СРЕДБИ со западните лидери
Министерот на Белорусија, клучен сојузник на рускиот претседател Владимир Путин и покрај инвазијата на Украина, одби да ја открие суштината на тие разговори. Тој само нејасно алудираше на идејата дека тие средби би биле на штета на Соединетите Американски Држави доколку нивната содржина „протече“ во јавноста.
– Белорусија веројатно достигна таков потенцијал што информацијата за средбата… може да уништи дури и велесила како САД – истакна Мекеј.
Тајни средби по руските порази
Мистериозните средби се случија по серијата руски порази на фронтот во Украина, по успешната контраофанзива на Киев на југот и североистокот на земјата. Дури и клучните трговски партнери на Русија, Кина и Русија, на неодамнешниот самит на Шангајската организација за соработка во Узбекистан јавно изразија „загриженост“ за начинот на кој рускиот претседател Владимир Путин ја води војната.
Западните официјални лица рекоа дека јавните опомени до Путин на индискиот премиер Нарендра Моди и кинескиот претседател Си Џинпинг сигнализираат промена во глобалната перцепција за војната, додека Европа и САД се обидуваат да ја намалат меѓународната поддршка за Кремљ.
Досега Кина беше воздржана во однос на понатамошната поддршка за Москва надвор од дипломатската поддршка. Во четири окупирани руски региони – Доњецк, Луганск, Запорожје и Керсон – во вторник заврши референдумот за приклучување кон Русија, кој западните власти го сметаат за „лажен“.