ОТКРИЕН ТАЈНИОТ ДОГОВОР МЕЃУ РУСИЈА И УКРАИНА – ПУТИН РЕЧЕ НЕ! Киев се согласи на се, ако се потпишеше, немаше да има војна
Украина и Русија, наводно, постигнале договор на самиот почеток на инвазијата, кој го исклучил членството на Украина во НАТО алијансата. Но, Путин никогаш не сакаше да го потпише.
Дмитри Козак, главниот руски преговарач за Украина, му рекол на рускиот претседател Владимир Путин на почетокот на војната во февруари дека склучил привремен договор со Киев што ќе го задоволи барањето на Москва Украина да остане надвор од НАТО, но дека Путин одбил и продолжил со воена кампања.
Договорот што би бил склучен ќе ја елиминира потребата Русија да продолжи со голема воена операција против Украина . Ројтерс сега прво објави за препораката на Козак до Путин да го прифати договорот. Рускиот претседател во неколку наврати пред војната тврдеше дека воената инфраструктура на НАТО се доближува до границите на Русија со прифаќање на нови членки од Источна Европа и дека алијансата сега се подготвува да ја прифати и Украина.
Пристапот на НАТО кон источниот блок претставуваше егзистенцијална закана за Русија, по што шефот на Кремљ одлучи да започне „специјална операција“. Запрашан да го коментира извештајот на Ројтерс, портпаролот на Кремљ Дмитриј Песков рече дека тоа е апсолутно неточно.
„ Тоа нема апсолутно никаква врска со реалноста. Такво нешто никогаш не се случило. Тоа е апсолутно неточна информација “, нагласи Песков.
Советникот на украинскиот претседател Михаил Подољак изјави дека Русија ги искористила преговорите за да се подготви за својата инвазија, но не потврди дека е постигнат прелиминарен договор меѓу двете земји.
„Денес јасно разбираме дека руската страна никогаш не била заинтересирана за мирно решение“, рече Подољак, пренесува Ројтерс.