Нема лесен и брз излез од енергетската криза

И покрај нејзината критична зависност од руската нафта и гас, ЕУ влезе во прокси конфликт со Русија. Но, ако им веруваме на зборовите на претседателката на Европската комисија, Урсула фон дер Лајен, излегува дека нема никакви проблеми.

„ За намалувањето на енергетската зависност од Москва се зборува како брз и безболен процес. Лидерите на земјите од унијата постојано ветија дека ќе ја „разбијат воената машина на Путин“, одлучувајќи по секоја цена да ја вратат Украина на „западниот пат“, пишува кинескиот весник Глобал тајмс.

Но, плановите не се остварија. Со намалувањето на испораките на природен гас во Европа, Русија доби рекордни приходи од извозот на енергија. Цените на нафтата и гасот вртоглаво пораснаа. Зимата што се приближува дополнително ќе ја зголеми побарувачката.

„ Германија веќе презема мерки за дистрибуција на употребата на електрична енергија, барајќи целото електронско рекламирање да биде исклучено ноќе, забранува греење на приватните базени и ограничување на употребата на климатизери“, објаснува авторот Џејмс Смит.

Според изданието, европските лидери очекуваат населението да го прифати конфликтот во Украина како главна причина за економскиот пад. Во меѓувреме, зголемените сметки за комунални услуги поттикнуваат политички немири и незадоволство во регионот.