Рускиот претседател Владимир Путин ја посети Централната клиничка болница во Москва за да се прости од првиот и последниот лидер на СССР, Михаил Горбачов.

Како што објави БЛИЦ , таткото на Перестројка почина по долго боледување на 30 август на 91-годишна возраст.

Шефот на руската држава поради презафатениот распоред нема да може да присуствува на погребот кој ќе се одржи во сабота на 3 септември.

Путин денеска пристигна во болница со букет рози во раката. Тој ги положи цвеќињата до ковчегот, застана малку пред него, се сврте кон фотографијата на Горбачов и се поклони. Потоа со раката го допре ковчегот и се прекрсти.

Последен пат Владимир Путин го прими поранешниот советски лидер во Ново Огарево во март 2006 година, еден ден по 75-тиот роденден на политичарот.