Секое дејство на Молдавија насочено кон поткопување на заканата за безбедноста на руските трупи во Придњестровје ќе се смета за напад врз Русија. Ова го изјави рускиот министер за надворешни работи Сергеј Лавров за време на говорот во Московскиот државен институт за меѓународни односи, пренесува украинското издание „Фокус“.

Лавров потсети дека во Приднестровје има руски „мировници“ и воен персонал кои го чуваат најголемото складиште за муниција во Европа. „Затоа, секоја акција насочена кон поткопување на заканата за безбедноста на руските трупи ќе се смета за напад против Русија“, рече тој.

Лавров потсети и на војната во Грузија во 2008 година, посочувајќи дека таа е аналогија на актуелните настани. Според него, сегашната ситуација е иста „како во Јужна Осетија, кога нашите мировници беа нападнати од Саакашвили“, рече тој, мислејќи на поранешниот грузиски претседател Михаил Саакашвили.

На 31 август Сергеј Лавров вети дека ќе ги „заштити правата на руските говорители“ во Молдавија, додавајќи дека веќе има региони во земјата кои „бараат специјален статус“.