– Во изминатите неколку недели, руски претставници беа во Иран како дел од договорот за трансфер на ирански беспилотни летала во Русија – изјави анонимен американски функционер за Си-Ен-Ен.
Портпаролот на Кремљ, Дмитриј Песков , во јули изјави дека Русија нема коментар на прашањето за беспилотните летала. Имено, Си-Ен-Ен веќе објави минатата недела дека руска делегација посетувала воздухопловна база во централен Иран најмалку два пати месечно за да ги проучува воените беспилотни летала, според информациите на Џејк Саливан , советник за национална безбедност на САД.
Во јуни, Иран почна да ги покажува своите беспилотни летала Шахед-129 и Шахед-191 на Русија во воздухопловната база Кашан, јужно од главниот град Техеран. И двата модели можат да носат проектили со прецизно наведување. Саливан во јули изјави дека Вашингтон верува дека Иран ќе и продаде на Русија стотици дронови кои Москва ќе може да ги користи во војната во Украина , пишува Си-Ен-Ен.