Погледнете што им направија САД на Тајван! Кина им воведе ембарго на неколку производи

292

Кина го забрани увозот на цитруси и некои рибни производи од Тајван и извозот на природен песок на тој остров, објавија кинеските власти еден ден откако претседателката на Претставничкиот дом на американскиот Конгрес го посети Тајван, и покрај жестокото противење од Пекинг.

Портпаролот на кинеската Канцеларија за Тајван Ма Ксијаогуанг денеска изјави дека е забранет увозот на грејпфрут, лимони, портокали и други цитрусни овошја, како и два вида рибни производи од Тајван. Во посебно соопштение, кинеската Царина објави дека забраната за увоз на цитруси е воведена поради „прекумерно количество пестициди“, додека како причина за забраната за увоз на производи од риба е наведена „превенцијата од ковид-19“.

Во исто време, кинеското Министерство за трговија најави дека воведува забрана на извозот на својот природен песок во Тајван. Природниот песок, инаку, е клучна компонента за производство на полупроводнички чипови, што е исклучително важна економска гранка за Тајван.

Како одговор на кинеската одлука, Тајван објави дека забраната за увоз на песок од Кина ќе има само „ограничен ефект“, додавајќи дека побарувачката на Тајван за кинески песок во последните години била „помалку од 1%“ од вкупната побарувачка.

ВАЖНО!!! Почитувани читатели на МКДПресс, ограничени сме поради нашите позиции! Пристапете директно на страницата www.mkdpress.eu . Споделете на вашите профили, со пријателите, во групи и на страници. На овој начин ќе ги надминеме ограничувањата, а луѓето ќе можат да стигнат до алтернативното гледиште на настаните!?
Можеби ќе ти се допаѓа