Русија се стреми да ја елиминира потребата од глобалниот банкарски систем SWIFT, изјави Максим Орешкин, советник на Владимир Путин.
„Што се однесува до SWIFT, тоа е многу едноставно. Ќе направиме се за да нема потреба од него. Тоа е всушност клучна задача во моментов“, изјави советникот на рускиот претседател.
Орешкин истакна дека светот ги користел доларот и еврото затоа што „било погодно“, пишува „Новости“.
„Целиот свет беше заложник на западниот финансиски систем бидејќи сите беа навикнати на тоа, на сите ни одговараше. Кристално е јасно зошто Русија и Кина користат долари или евра. Само од навика“, рече Орешкин, додавајќи дека ситуацијата сега е променета и дека циркулацијата на рубли и јуани расте.
Орешкин најави и дека Централната банка на Русија би можела дополнително да ја намали каматната стапка и дека за тоа ќе се разговара на состанокот на 22 јули.
На 24 февруари Русија започна воена операција во Украина. Претседателот Владимир Путин рече дека нејзината цел е „заштита на луѓето кои осум години биле изложени на геноцид од режимот во Киев“.
Како што соопшти Министерството за одбрана на Русија, вооружените сили на Руската Федерација на 25 март ги завршија главните задачи од првата фаза – значително го намалија борбениот потенцијал на Украина.
Почитувани читатели, на нашиот Telegram канал можете да ги следите нашите најдобри вести како и оние кои не ги објавуваме на други мрежи поради специфична содржина