Блинкон ја обвини Русија дека ги користи залихите со храна како оружје! Ако вака продолжите ЕУ ќе умри од глад

На May 20, 2022

Војната во Украина доведе до глобален пораст на цените на житариците, маслото за јадење, горивата и вештачките ѓубрива

Американскиот државен секретар Ентони Блинкон денеска ја обвини Русија дека користи храна како оружје во Украина и дека држи заложници залихи со храна не само за милиони Украинци, туку и за милиони луѓе ширум светот кои се потпираат на украинскиот извоз, објави Ројтерс.

Блинкон во обраќањето пред Советот за безбедност на ОН ја повика Русија да престане да ги блокира украинските пристаништа. Русија ја нападна Украина на 24 февруари за да го спроведе она што Москва го нарекува „специјална воена операција“.

Повеќе вести од Украина

„Руската влада се чини дека верува дека употребата на храна како оружје ќе помогне да се постигне она што нејзината инвазија не го постигна – да се скрши духот на украинскиот народ“, рече тој. „Снабдувањето со храна за милиони Украинци и милиони други ширум светот е буквално заложник на руската војска.

Војната во Украина доведе до пораст на глобалните цени на житариците, маслото за јадење, горивата и вештачките ѓубрива.

Русија и Украина сочинуваат речиси една третина од светските резерви на пченица. Украина е исто така главен извозник на пченка, јачмен, сончоглед и масло од репка.

ВАЖНО!!! Почитувани читатели на МКДПресс, ограничени сме поради нашите позиции! Најавете се директно на страницата www.mkdpress.eu . Споделете на вашите профили, со пријателите, во групи и на страници. На овој начин ќе ги надминеме ограничувањата, а луѓето ќе можат да стигнат до алтернативното гледиште на настаните!?