Турција не може да ги одбие односите со Русија, а рускиот гас е стратешко прашање, изјави претседателот Таип Ердоган, пренесе РИА Новости.
– Имаме врски на двете страни (Русија и Украина – уред.). Имаме голем проект со Русија. Овој проект ќе го завршиме следната година, ќе го отвориме. Ова е многу сериозна работа за нас. Ова е стратешко прашање за нас, прашање на стратешки односи. Не можеме да ги оставиме, да ги скршиме – рече Ердоган во интервју со млади луѓе, а неговиот говор беше објавен на неговиот Твитер профил.
– Водиме балансирана политика и кон Русија и кон Украина. Немаме намера да ги прекинеме контактите ниту со Путин, ниту со Зеленски – додаде турскиот лидер.
Според него, тој има намера „да ја продолжи телефонската дипломатија со Путин и Зеленски“ за ситуацијата во Украина.
Турција го блокираше влезот на Финска и Шведска во НАТО
Турција го блокираше почетокот на преговорите за прием на Финска и Шведска во НАТО
Според агенцијата, Алијансата планирала денеска да ги разгледа барањата поднесени од амбасадорите на Финска и Шведска за влез на нивните земји во НАТО, со што би се означил почеток на пристапниот процес, но поради позицијата на Анкара преговорите не започнале. .