Заменик-министерот за одбрана на Украина, Хана Маљар денеска ја обвини Русија дека е подготвена да ја искористи територијата на молдавската област Придњестровје како место за движење кон Украина или кон остатокот од Молдавија, пренесува Ројтерс.
Придњестровје , отцепен регион на Молдавија, поддржан од Русија, беше нападнат неколку пати во изминатиот ден, соопштија локалните власти.
Русија наведува дека внимателно ги следи настаните во областа на границата со Украина, додека на почетокот на неделава руското Министерство за надворешни работи посочи дека сака да избегне сценарио во кое Москва би интервенирала, пренесува РИА Новости.