Патрушев: САД развија мрежа на биолаборатории низ целиот свет и создадоа ново биолошко оружје

Соединетите Американски Држави развија мрежа на биолаборатории ширум светот, вклучително и Украина, и всушност во нив создаваат ново биолошко оружје, изјави секретарот на рускиот совет за безбедност Николај Патрушев на состанокот за безбедносни прашања во јужна Русија. Патрушев додаде дека овие податоци се добиени за време на специјална воена операција.

Главниот офицер за безбедност на Русија предложи на средбата, во согласност со наредбите на рускиот претседател Владимир Путин, да се разговара за мерките за обезбедување биолошка безбедност во регионите на Јужниот федерален округ.

Како што истакна, ова прашање е особено актуелно во услови кога САД ги распоредија своите биолошки лаборатории низ целиот свет, вклучително и во непосредна близина на границите на Русија. Тој изјави дека некои од овие лаборатории се наоѓаат на територијата на Украина.

„За време на специјалната воена операција се добиени податоци дека во овие лаборатории воени научници од Соединетите Американски Држави создале вируси, бактерии и токсини, а всушност – ново биолошко оружје“, рече Патрушев.

Според него, активната фаза на создавање биолошки лаборатории во Украина под контрола на Пентагон започна во 2014 година – веднаш по државниот удар што го предизвикаа САД и нивните западни сојузници, чија цел беше да се создаде држава непријателска кон нашата земја.