Скопјани не го издржаа поразот од Пелистер! Брука невидена: Скопје како Палестина – Се испотепаа Комити и Чкембари, има и повредени полицајци
Двете познати навивачки групи Комити и Чкембари започнаа физичка пресметка на трибините на СЦ Јане Сандански уште за време на ракометното дерби помеѓу Вардар и Еурофарм Пелистер.
Полицијата интервенираше и дербито продолжи, но навивачките групи ја довршија тепачката и по крајот на натпреварот.
Во моментов има физичка пресметка помеѓу навивачите на двата ракометни клубови на помеѓу хотел Хилтон и хотел Русија, каде очевидци информираат дека настанала вистинска брканица, се мавало со камења, а има и повредени навивачи и полицајци.
Сообраќајот во тој дел на Скопје е закочен, инфомациите велат дека има и оштетени возила.
МВР распоредува засилени полициски екипи на местото на настанот.
Комити и Чкембари се познати по тензијата и ривалството кои постојат помеѓу навивачките групи. Ова не е прв инцидент од ваков тип, но е голем срам бидејќи двете групи важат за патриотски. Вакви пресметки помеѓу Македонци и македонски навивачки групи претставуваат срам за спортот и за Македонците.