ЗЕЛЕНСКИ САКА РАЗГОВОР СО ПУТИН: „Само директен дијалог може да го реши конфликтот – ПОДГОТВЕН СУМ НА КОМПРОМИСИ“

Украинскиот претседател Володимир Зеленски оцени дека актуелниот конфликт во Украина може да се реши само преку директен дијалог со рускиот претседател Владимир Путин.

– Не се работи за тоа што можам да дадам. Мојата цел во какви било преговори е да се стави крај на војната со Русија – изјави Зеленски во интервју за германски „Билд“, одговарајќи на прашањето дали е подготвен да ја признае независноста на Донбас и Крим.

– Подготвен сум да преземам одредени чекори за завршување на војната. Може да се направат компромиси, но тие не смеат да значат предавство на мојата земја – рече украинскиот претседател и додаде дека другата страна треба да биде подготвена за компромиси.

Зеленски оцени дека тоа е единствениот излез од сегашната ситуација.

– Се уште не можеме да зборуваме за детали. Сè уште не сме имале директен контакт меѓу двајцата претседатели. Само по директни разговори меѓу двајцата претседатели можеме да ставиме крај на оваа војна – посочи тој.