Споделете нека има мир! ПОЧНАА ПРЕГОВОРИТЕ ВО БЕЛОРУСИЈА: Русите пристигнаа, се чекаат Украинците

ПОЧНАА ПРЕГОВОРИТЕ ВО БЕЛОРУСИЈА: Русите пристигнаа, Украинците чекаат

Руската делегација пристигна во Белорусија на преговори со Украинците, изјави портпаролот на Кремљ, Дмитриј Песков.

„Во согласност со постигнатиот договор, руската делегација составена од претставници на Министерството за надворешни работи, Министерството за одбрана и други ресори, вклучително и претседателската администрација, пристигна во Белорусија на преговори со Украинците. Ќе бидеме подготвени да ги започнеме овие преговори во Гомел“, изјави Песков за новинарите.

„Руската страна е веќе подготвена за преговори во Гомел, сега ги чекаме Украинците“, додаде Песков.

Москва сега ја чека одлуката на Украинците, изјави портпаролот.

Специјалната воена операција на Русија со цел демилитаризација и денацификација на Украина започна на 24 февруари. Во петокот движењето на војниците беше прекинато во очекување на можни преговори со Киев, но поради одбивањето на украинската страна да учествува во нив, операцијата продолжи во саботата.

Претходно од кабинетот на претседателот на Украина, Владимир Зеленски, најавија дека тој би можел да разговара за неутралниот статус на Украина, со пакет гаранции за нејзината безбедност. Во исто време, претседателот на Белорусија, Александар Лукашенко, на 26 февруари изјави дека Минск е подготвен да обезбеди платформа и да обезбеди одвивање на преговорите. Зеленски во саботата вечерта рече дека претседателите на Турција и Азербејџан, Реџеп Таип Ердоган и Илхам Алиев, исто така предложиле да се организираат преговори.