Русија денеска нема да ја нападне Украина

Рускиот амбасадор во ЕУ, Владимир Чижов, ги отфрли американските предупредувања дека е можен руски напад врз Украина денеска.

„Што се однесува до Русија, можам да ве уверам дека нема да има напад оваа среда. Нема да има ескалација следната недела, ниту следната недела ниту следниот месец“, изјави Чижов за германскиот весник „Велт“. „Војните во Европа ретко започнуваат во среда“, додаде тој.

Американската влада соопшти дека смета дека е можно Русија да ја нападне Украина пред затворањето на Зимските олимписки игри во Кина во недела.

Соединетите Држави и нивните сојузници во НАТО ја обвинија Русија дека подготвува нов напад врз Украина по анексијата на Крим во 2014 година, обвинување кое Москва го негира.

„Кога упатувате обвиненија – особено многу сериозни обвинувања против Русија – исто така сте должни да презентирате докази. Во спротивно тоа е клевета.“ / БТА /