ДРУГИТЕ СЕ „ГОЛИ“: Германија веќе не може да ја снабдува Украина со оружје од сопствените залихи

Тројца пратеници во германскиот парламент повикаа на зголемување на испораката на оружје за Украина, вклучително и залихите на Бундесверот. Германското Министерство за одбрана соопшти дека не може да го стори тоа.

Иницијативата за зголемување на акциите ја покренаа Кристијан Клинк (Социјалдемократска партија), Сара Нани и Александар Милер (двајцата од Слободната демократска партија), објави Шпигел. Политичарите се убедени дека е неопходно да се „поддржи борбата за опстанок на Киев“, а можностите на самата германска армија „може и мора“ да се стави на втор план.