ЛАВРОВ : Смачено ми е од лицермерие„ знаеме како  таканареченото Косово се отцепи…“

На Косово имаше мирен процес, но беше кажано: „Премногу долго трае, здодевно е, ајде да завршиме со тоа“, а Западот го откина од Србија, изјави рускиот министер за надворешни работи Сергеј Лавров, говорејќи на XI меѓународен форум „Примаковски читања“ во Москва.

Шефот на руската дипломатија истакна дека Западот сака да применува „правила“ што никој не ги видел, но кои се вклопуваат во нивната сопствена филозофија.

„Значи, кога ја уништуваа Југославија, а Косово требаше да се отцепи од Србија – тие рекоа дека не треба да има референдум. Бидејќи високиот претставник, тогашниот Марти Ахтисари, поранешниот претседател на Финска, кој беше задолжен за дијалогот меѓу Албанците и Србите, едноставно рече – напиша некаков извештај во кој наведе: „Знаете, овој разговор трае толку долго, ништо не се постигнува, веројатно е време да се прогласи независност“. И така, без референдум, без ништо – тие само објавија дека Косово сега е независно “, се присети Лавров.