Русија ќе инсистира враќањето на законските права на рускојазичното население во Украина, кое е изложено на рестриктивната јазична политика на Киев, да стане неопходен услов за долгорочно решавање на конфликтот, изјави министерот за надворешни работи Сергеј Лавров.

Во порака по повод Денот на рускиот јазик, објавена на официјалната веб-страница на Министерството за надворешни работи на Русија, Лавров рече дека украинските националисти систематски уништуваат сè што е поврзано со Русија , додека, како што вели, посебна цел на нивната омраза е рускиот јазик.

– Воведени се бројни забрани за употреба на рускиот јазик. Русија нема да ги остави Русите и рускојазичното население на цедило. Ќе направиме сè за да се осигураме дека нивните законски права, вклучително и правото да го зборуваат својот мајчин јазик, се целосно обновени – нагласи шефот на руската дипломатија.