Садикарио: Преќутување на фашизмот и холокаустот кој го спроведе Бугарија врз македонија не смее да биде услов за членство во ЕУ

 

Европската Унија не може да се бори против антисемитизмот ако дозволи искривувањето на историската вистина на холокаустот да биде макар и најмал дел од предусловите за членство, рече денеска директорот на Музејот на холокаустот, Горан Садикарио, на одбележувањето на 27 јануари, Меѓународниот ден за сеќавање на холокаустот и 80 години по ослободувањето на Аушвиц во Министерството за надворешни работи во Скопје.

– Компромисот со историската вистина за холокаустот на македонските Евреи може да го компромитира уникатниот статус на холокаустот како тотално зло. Не смее да се дозволи таков преседан, бидејќи секој преседан, порано или подоцна, може да стане правило. Холокаустот на македонските Евреи и на Евреите од тогашните окупирани делови на Грција и Србија од бугарска страна е дел од светската историја на холокаустот и не смее да биде третиран како прашање за кое може да се преговара – рече Садикарио.

Со помош на бугарската фашистичка окупаторска власт, на 11 март 1943 од Битола, 3.351 лице од еврејско потекло, заедно со другите Евреи од Македонија, беа одведени во логорите на смртта во Треблинка, од каде што ниеден не се врати. 7.144 Евреи или 98% од вкупното еврејско население од тоа време беа депортирани во Треблинка. Дел од младите Евреи кои се извлекле од блокадата се приклучиле кон партизанските единици во Народноослободителната борба.

ВАЖНО!!! Почитувани читатели на МКДПресс, ограничени сме поради нашите позиции! Најавете се директно на страницата www.mkdpress.eu . Споделете на вашите профили, со пријателите, во групи и на страници. На овој начин ќе ги надминеме ограничувањата, а луѓето ќе можат да стигнат до алтернативното гледиште на настаните!?
Можеби ќе ти се допаѓа