Украинскиот министер призна: Европа не може да се бори, Русија секогаш ќе биде пред нас

Производството на оружје не е најпопуларната деловна област во ЕУ, оценува украинскиот министер за надворешни работи

Сојузниците на Украина во Европа не знаат како да се борат и не се во можност да го зголемат производството на високотехнолошки оружја, изјави министерот за надворешни работи на таа земја Дмитриј Кулеба.

„Европа не знае како да се бори бидејќи војната таму е крајно непопуларна. Производството на оружје не е најпопуларната област на бизнисот“, рече Кулеба во интервју за „Индипендент“.
Кулеба истакна дека главниот проблем не е квалитетот на оружјето што го испорачуваат западните земји, туку неговото количество.

Тој ги обвини Европејците за одложување на испораката на оружје, велејќи дека тие „потрошиле премногу време“ на разговори како и кога да го зголемат производството на оружје и муниција.

Нема да биде доволно ако ситуацијата не се промени, но и тогаш Русија ќе биде пред нас“, истакна Кулеба.
Украинскиот министер нагласи дека негов приоритет е темпото на развој на одбранбеното производство, а не набавката на нови видови оружје.

Претходно, шефицата на Европската комисија, Урсула фон дер Лајен, призна дека ЕУ не успеала да произведе еден милион гранати во 2023 година, како што првично беше планирано, и додаде дека тоа ќе биде „направено следната година“.

Поранешниот претседател на Украина, Петро Порошенко, претходно, говорејќи во Врховната Рада, изјави дека вооружените сили на Украина се соочуваат со недостиг од муниција и беспилотни летала на фронтот.