Дали нешто се готви? Нетанјаху итно ја напушти седницата на владата за да разговора со Путин

Израелскиот премиер Бенјамин Нетанјаху го напушти денешниот состанок на владата за да разговара со рускиот претседател Владимир Путин.

Според портпаролот на израелскиот премиер, нивниот разговор траел 50 минути.

Разговорот доаѓа во време кога има тензија на линијата Москва-Тел Авив поради анти-израелскиот став на Русија, пишува The Times of Israel.

Првиот заменик постојан претставник на Русија во Обединетите нации, Дмитриј Полјански, оваа недела на седницата на Советот за безбедност на ОН изјави дека Израел ќе изврши воено злосторство доколку ги поплави тунелите во Газа.

„Воените злосторства се во пораст. „Последниве денови кружат вознемирувачки извештаи дека Израел планира да ги поплави подземните објекти во Појасот Газа со морска вода“, рече Пољански.

Тој, повикувајќи се на свои извори, изјавил дека припадниците на израелската армија веќе изградиле систем на пумпи и цевки во кои ќе ја црпат морската вода и дека во тој план се вклучени и Соединетите Американски Држави.