ПАРТИЈАТА МАКЕДОНСКИ КОНЦЕПТ ВО ПОДРШКА ЗА КАНАЛ 5 ПРОТИВ АЛБАНСКИОТ ЕТНИЧКИ ШОВИНИЗАМ НА РАМАДАНИ И ЦИВИЛ

Албанскиот етнички шовинизам наметнува цензура врз медиумите

Во врска последната вулгарна манифестација на албански етнички шовинизам од страна на претседателот на Евроатлантскиот совет на Македонија, г-дин Исмет Рамадани како учесник во дебатата на емисијата Само вистина на Канал 5 телевизија, ние како политичка партија Македонски Концепт која отворено се бори против сите видови на верски радикализам и етнички шовинизам, најостро го осудуваме таквото поведение несвојствено за еден атланстист и бараме негово повлекување од позицијата претседател на ЕАСМ, со што ќе се зачува дигнитетот на таа реномирана организација.

Господинот Рамадани на отворена сцена дејствуваше во насока на ширење на етничка и национална омраза, надвор од темата на емисијата се обиде да ја обвини целата македонска етничка заедница за виновна за наводна омраза кон албанската етничка заедница, со што дирекно ги прекрши и одредбите на кривичниот законик и законот за заштита од дискриминација.

Г- дин Рамадани, поттикнат од атмосферата на галопирачки албански етнички шовинизам и етнички триумфализам врз достоинството на останатите етнички заедници во Македонија, пред се мнозинската македонска заедница, се обиде и да наметне цензура врз слободата на мислата и изразувањето на новинарот Александар Видиновски, да го попречи во неговата работа, а на највулгарен и безобразен начин се обраќаше кон директорот и уредник на емисијата Иван Мирчевски, манифестирајќи отворена омраза на етничка основа кон нив двајца.

Повикуваме на итно преземање на мерки од надлежните институции, со цел ваков тип на однесување да не се повтори и да се зачува достоинството на јавноста.

Центар за комуникации и анализа

Македонски Концепт