Средба за која ретко се знае! ЧЕНТО СЕ СРЕТНАЛ СО ТИТО НА ВИС И ПОБАРАЛ ОБЕДИНУВАЊЕ СО ЕГЕЈСКА И ПИРИНСКА МАКЕДОНИЈА

ОБЕДИНУВАЊЕ НА МАКЕДОНИЈА – СРЕДБА НА ВИС СО ТИТО

Во јуни 1944 година, за време на подготовките за свикување на АСНОМ, тричлена делегација од Мкедонија, Методија Андонов-Ченто, Емануел Мане Чучков и Кирил Петрушевски, заминала на островот Вис. Целта на македонската делегација била средба со највисокото југословенско партиско раководство и со Јосип Броз Тито. Делегацијата требала пред врховните тела на Југославија и пред Тито да го постави прашањето за остварување на крајната цел на македонската национална борба – ослободување и обединување на Македонија.

Претставниците од Македонија известиле дека се овластени од народноослободителниот отпор да го повикаат македонскиот народ во Егејска и Пиринска Македонија да продолжи со борбата против окупаторите и да се повикаат на обединување на силите во единствена борба за ослободување и обединување на Македонија.

На македонската делегација и било соопштено тоа прашање да не го поставува до завршувањето на војната, туку единствено на повоената мировна конференција. (с.с Историска белешка)