Македонците станаа „православни“, а Албанците останаа Албанци во интервју на Ескобар?!

Поранешниот почесен конзул на Македонија во САД, Џејсон Мико, открива зачудувачко подведување на Македонците под „православни“ од американскиот заменик-помошник државен секретар Габриел Ескобар, за разлика од Албанците, кои ги именува токму така.

„Официјална политика на Стејт департментот на САД? Заменик-помошникот секретар на САД, Габриел Ескобар: #Македонија е ‘вистински пример за мирен соживот меѓу Албанците и православните луѓе’. Само што ги избриша Македонците #Македонија“, реагира Мико на Твитер покрај линкот до интервјуто на Ескобар за „Павловиќ тудеј“, во кое ја охрабрува Македонија да направи уставни измени.