Во четвртокот попладне во српскиот парламент избувна хаос кога опозициските поддржувачи предводени од десничарските партии Двери и Заветница го нападнаа српскиот претседател Александар Вучиќ, јавуваат српските медиуми.

Извикувајќи „предавство, предавство“, „срцето на Косово и припаѓа на Србија“, тие се упатија кон седиштето каде што седеше претседателот.

 

Во исто време, членовите на владата станаа и отидоа и кај претседателот. Дошло до судири меѓу владејачката партија и опозицијата, кои траеле околу 15 минути, по што интервенирало обезбедувањето.

Претседателот  Вучиќ отиде во парламентот да ги претстави основите на идната политика на земјата  и планот за решавање на најважните прашања.

Мнозинството го поздрави со постојан аплауз и овации, како единствен претседател во историјата на Србија кој доаѓа на дебати за Косово во Собранието.

„За мене Уставот на Србија е Свето Писмо, знам што треба да правам!  Помеѓу останувањето на власт и Србија, ќе ја изберам Србија“,  рече претседателот во салата каде што го презентираше извештајот за преговарачкиот процес со Косово.

Тој во својот извештај од 10 точки ги претстави основите на својата идна политика и потсети дека денеска ќе се бори за Србија, како што тоа го правеше во изминатите 11 години.

Тој посочи дека  не може да го открие француско-германскиот план за Косово, но додаде дека тој ќе претставува најлошото што ќе дојде за Србија , нагласувајќи дека нема што да крие. Вучиќ наведе три работи кои не ги условил, но повтори дека не потпишал ништо.