УКРАИНЦИТЕ ПЛАЧАТ ЗА ПОМОШ: Русија планира да набави ирански балистички ракети против кои немаме одговор

Полковникот и портпарол на украинските воздухопловни сили Јуриј Ихнат изјави дека се уште постои закана Русија да добие ирански балистички ракети, против кои украинската воздушна одбрана е немоќна.

Ихнат потсети дека украинските сили за воздушна одбрана не можат да се спротивстават на непријателските балистички ракети и противвоздушни ракети кои летаат по балистичката траекторија. Тој ја истакна важноста на обезбедувањето на Украина со системите Patriot PAC-3 и SAMP-T.

„Главната закана што виси во воздухот и која сè уште може да се распореди се, се разбира, ракетите од иранско производство. Русија не се откажува од намерата да ги добие од Иран беспилотните летала камикази и, на одреден начин, ракетите што беа најавени претходно: моделите Фатех и Золфагар. Ова е балистика, ние денеска немаме антибалистика“, рече тој.

Тој додаде дека Русија има ракети Кинжал.

„Тоа се предизвиците и заканите со кои се соочуваме денес. Можно е да ги уништиме на позиции, но нашите партнери исто така разбираат дека се потребни средства против балистичките закани. Како што се Patriot PAC-3 и SAMP-T“, рече Ихнат.