Татко од Велика Британија е прогласен за виновен за убиство на своето деветмесечно бебе, откако детето трагично почина од тешка повреда на мозокот.

На Леон Матијас (34) му било кажано дека се соочува со „неизбежна“ затворска казна за убиството на своето момче Хантер, што според обвинителите се случило кога тој се налутил поради плачот на бебето.

За време на четиримесечното судење, Матијас негираше дека го убил својот син , велејќи им на поротниците дека се обидел да го спаси животот на Хантер, откако тој одеднаш престанал да дише додека се капел.

Тој рече дека влегол во бањата со својот син вечерта на 30 ноември 2018 година, додека неговата партнерка Беки Хигинботам била во дневната соба.

Аутопсијата открила модринки на главата на Хантер, што ги навело инспекторите да веруваат дека бебето било погодено во главата.

Скенирањето покажало и три скршеници на долните екстремитети. Се верува дека едниот се случил во моментот на повредата на главата, а другиот два дена порано.

Детето било однесено во Општата болница на округот Барнсли каде болничкиот персонал се борел да го реанимира на 30 ноември 2018 година.

Меѓутоа, неговата повреда на мозокот била толку тешка и неговиот мозок отекол толку многу што не можеле да го спасат и тој подоцна починал на 3 декември 2018 година.

Поротниците ја вратија вината по второто обвинение со кое се соочи Матијас, за нанесување тешка телесна повреда со умисла.

– Никогаш нема да дознаеме што точно се случило за време на капењето на Хантер на 30 ноември 2018 година. Она што го знаеме е дека тој се здобил со катастрофални повреди од рацете на неговиот татко. Задоволен сум што правдата денеска е задоволена, се наведува во пресудата.