Лавров:ТРПЕНИЕТО НА РУСИЈА Е ПРИ КРАЈ

– Секако дека ги имаме сите можности да ги заштитиме нашите национални интереси. Доколку е потребно, ќе ги искористиме во најголема мера. Оние кои зборуваат со јазикот на санкциите со Русија треба да имаат на ум дека, иако сме доволно воздржани во одговорот на актите на економска агресија, нашето трпение нема да биде безгранично – изјави Лавров во интервју за весникот „Аргументи и факти“. пренесува РИА Новости.

Според него, „распарчувањето на руската економија на парчиња, како што страсно сакаше Барак Обама, не успеа и никогаш нема да успее“.

– Се што сакаа да предизвикаат кај нас, почнува да се случува во нивните домови. Во голем број европски земји има нагло зголемување на цените, пад на приходите и недостиг од извори на енергија. Политиколозите почнаа да зборуваат за зголемената опасност од социјални немири. Вообичаените цивилизациски предности стануваат привилегија за Европејците. Ова е цената што ја плаќаат обичните граѓани за русофобијата на нивните политичари – рече рускиот министер.