УКРАИНА САКА ДА ЈА ВОВЛЕЧЕ БЕЛОРУСИЈА ВО ВОЈНА? Лукашенко грмеше – Престанете со провокациите или ќе има последици!

Украина продолжува со провокациите на границата со Белорусија, изјави денеска во Минск белорускиот претседател Александар Лукашенко на состанокот посветен на воената безбедност на земјата.

Како што рече Лукашенко, Украина распореди 15.000 војници на границата со Белорусија, поставува инженерска опрема на контролните пунктови и позициите за пожари, а постави и бариери на патиштата, пренесе агенцијата Белта.

– Накратко, не само што се забарикадираа. Тие изградија ѕид. Украина врши оптичко, електронско и радиотехничко извидување на нашата територија, војници и објекти, често ја нарушува белоруската државна граница со својот дрон. Велат дека наводно се многу загрижени за влегувањето на Белорусија во војната, а во исто време продолжуваат со провокациите на границата – рече Лукашенко.