НТВ, која е во сопственост на руската гасна компанија „Гаспром“, објави застрашувачка репортажа за потенцијалниот армагедон што би се случил доколку Русија употреби нуклеарно оружје, со снимки од „печурки“ кои се креваат по падот на нуклеарната бомба.

Во тој телевизиски прилог, Западот е обвинет дека премногу зборува за нуклеарна војна, додека пропагандистите на Путин постојано се закануваат дека ќе користат оружје за масовно уништување.

– Се наоѓаме во ситуација кога превласта во ресурсите и конвенционалното оружје е на страната на Западот – коментира во прилог Василиј Кашин, политички аналитичар од Вишата економска школа во Москва.

– Моќта на Русија се заснова на нејзиниот нуклеарен арсенал – додаде тој, а прилогот покажува и како оружјето оди на запад од Краснојарск, град во Сибир.