Претседателот  Џо Бајден  во неделата изјави дека американската војска ќе се вклучи во одбрана на Тајван доколку Кина изврши напад на островот. Ова е најјасното и најнагласеното предупредување досега од шефот на американската држава на оваа тема и кое не е исклучено да го налути Пекинг.

Забелешките на Бајден дојдоа како одговор на новинарското прашање кое му беше поставено за време на интервјуто за Си-Би-Ес дали Соединетите Држави ќе го бранат Тајван доколку Кина изврши инвазија.

Да, ќе одговориме доколку се изврши таков напад без преседан, увери Бајден.

Портпаролот на Белата куќа подоцна појасни дека позицијата на САД за Тајван не е променета во однос на наведената намера на шефот на американската држава.