Сабах: Проблемите со гасот ќе ја принудат ЕУ да капитулира пред Русија

209

Колумнистот Хасан Барсли Јалчин, пишувајќи за турски Сабах, вели дека Европската унија сега е се поблиску до капитулација пред Русија по прашањето на гасот.

Според него, претставниците на Европската унија не можат сами да го решат прашањето за снабдување со гас.

„Верувам дека Европа се движи кон капитулација пред Русија поради проблемот со синото гориво. Овој пораз ќе значи колапс на западниот систем“, додаде Јалчин.

Тој објасни дека ЕУ не може да се потпре на помошта на Америка, поради претстојните избори за американскиот Конгрес. Ако победат републиканците, тогаш Европа може да остане без поддршка.

Меѓу другото, ЕУ нема да помогне со резервите на гас, а другите обиди за изнаоѓање алтернативни решенија за проблемот се исто така осудени на неуспех поради недостаток на политичка волја и внатрешни противречности.