Германски генерал: Не ја потценувајте воената моќ на Русија – може да отвори уште еден фронт

Генералниот инспектор на германските вооружени сили, генерал Еберхард Зорн изјави дека не треба да се потценува воената моќ на Русија, пренесува Ројтерс.

„Голем број руски копнени сили во моментов може да се поврзани со Украина, но дури и ако се, не треба да го потценуваме потенцијалот на руските копнени сили да отворат втор театар на војна“, рече Зорн.

Тој додаде дека најголемиот дел од руската флота не е распоредена во Украина, а руските воздухопловни сили исто така имаат значителен потенцијал, што претставува закана и за НАТО. Покрај тоа, тој спомна „огромни залихи“ оружје, мислејќи на опремата на руската армија.

На 24 февруари Русија започна воена операција во Украина. Претседателот Владимир Путин нејзината цел ја нарече „заштита на луѓето кои осум години биле изложени на малтретирање и геноцид од режимот во Киев“.

За ова, според неговите зборови, се планира да се изврши „демилитаризација и денацификација на Украина“, да се изведат пред лицето на правдата сите воени злосторници одговорни за „крвавите злосторства над цивилите“ во Донбас.