„ЗАГРИЖУВАЧКА И КРИТИЧНА СОСТОЈБА“ Москва за ескалацијата на војната: Америка не ги сфаќа сериозно нашите предупредувања!

106
Досега Москва не видела знаци на подготвеност на Вашингтон сериозно да ги сфати предупредувањата на Москва за ситуацијата во Украина, изјави рускиот заменик-министер за надворешни работи Сергеј Рјабков во петокот на ТВ каналот „Русија-1“.





– Никој не ја потценува сериозноста на војната и ние ги пренесуваме сите аспекти на ситуацијата. Се надевам дека нашите предупредувања нема да бидат сфатени лесно, туку ќе станат предмет на анализа и ќе бидат соодветно протолкувани, како знак на многу загрижувачка и критична ситуација – рече Рјабков.

Заменик министерот за надворешни работи на Руската Федерација потоа додаде дека неговата земја не сака конфликт со Америка.

– Не сакаме ескалација и сакаме да избегнеме ситуација САД да станат страна во конфликтот. Сепак, засега не гледаме знаци на подготвеност на другата страна навистина да ги прифати овие предупредувања – рече Рјабков.

Тој посочи дека Русија одржува контакт со САД во врска со ситуацијата во Украина не само преку амбасадите на двете земји, туку и преку телефонски разговори.

– Можам да потврдам дека нивоата на кои ја извршуваме оваа работа ги опфаќаат највисоките ешалони на актуелната администрација во Вашингтон – прецизираше заменик министерот за надворешни работи на Русија.