Медведев: НАТО е како канцероген тумор, стана глобален проблем

„Западот сака да ја уништи Русија“, изјави во понеделникот поранешниот руски претседател Дмитриј Медведев за руската новинска агенција ТАСС.

„Криминалната политика на САД агресивно се спроведува во Украина. Точно, со многу поактивна поддршка од Европската Унија, која ја загуби независноста. Целта е иста – да се уништи Русија. Ова е основната причина за крајно агресивниот, русофобичен геополитички процес инициран од Западот. Нашиот одговор е силен, но и внимателно обмислен“, рече Медведев.

„Ако постои можност проблемот да се реши по мирен пат, на преговарачка маса, тоа треба да го направиме. Но, кога нема излез, мора да реагираме со сила. За жал, и во Грузија и во Украина, властите на тие земји ја оставија Русија без избор. И намерно отидовме на воена интервенција“, додаде тој.

„Што се однесува до НАТО, неговата неумолива желба да се шири по границите на Русија како канцероген тумор стана глобален проблем. Тоа ги разболува сите разумни луѓе“, рече поранешниот руски претседател.

Медведев ја водеше Русија меѓу 2008 и 2012 година, а потоа беше премиер до 2020 година.