Руската суспензија на извозот на гас ќе ја чини Германија 193 милијарди евра во период од шест месеци и 5,6 милиони работни места

66

Руската суспензија на извозот на гас ќе ја чини Германија 12,7 отсто од БДП во втората половина од годината, покажуваат податоците презентирани од индустриското здружение vbw.

 

Руски Газпром ја намали испораката на гас за Германија преку гасоводот Северен тек 1 за 60 отсто поради, како што тврдат, доцнењето на опремата што ја испратија до Сименс на ремонт, потсетува Хрпортфолио.

Поради намалените испораки, Германија најави втора фаза на подготвеност за кризата со снабдувањето, порачувајќи им на компаниите и на граѓаните дека мора да ја намалат потрошувачката, бидејќи приоритет е создавање залихи за зимата.

За да се справи со можниот недостиг, владата, исто така, планира да воведе повеќе течен природен гас (LNG) за да ја направи помалку зависна од гасоводот.

Вкупно 1.003 терават-часови гас биле потрошени во Германија минатата година, а третина користела индустријата.