Западни медиуми: Русија има толку многу пари што може да го запре гасот за ЕУ

Рускиот лидер Владимир Путин има толку многу пари што може да го запре гасот за ЕУ, односно да престане да го снабдува, тврдат западните медиуми и експерти.

Се повеќе се чини дека руските санкции против ЕУ со запирање на снабдувањето со гас се реално сценарио.

Би-Би-Си наведува дека Меѓународната агенција за енергетика предупредила дека Русија може да го „сврти“ гасот кон Европа оваа зима и предлага сите да се подготват за такво сценарио.

Агенцијата Блумберг забележува и дека е можно Русија да ја санкционира ЕУ.

Цената на природниот гас во Европа расте трет ден по ред, поради заканата од намалени испораки од Русија. Затоа резервите на гас се полнат побавно од очекуваното.

Испораките на Гаспром преку Северен тек остануваат на 40 отсто од капацитетот, што го намалува снабдувањето на клиентите во Германија, Франција, Италија и други земји.

„Њујорк тајмс“ предупредува дека европските дискусии за кризни сценарија веќе се интензивирани, а ги пренесува изјавите на германските власти дека веќе настанала гасна криза и дека гасот е стока што ќе недостига во иднина.

Волстрит журнал ја критикува идејата за ограничување на цените на рускиот гас преку создавање картел на западни нации и нивните сојузници.

Дури и ако се игнорира прашањето како ќе се имплементира овој необичен механизам за ограничување на цените, беа издадени предупредувања дека целата приказна е многу чудна.