„ЌЕ СЕ СЛУЧИ ТРЕТА СВЕТСКА ВОЈНА! Медведев даде мрачни прогнози – НАТО ќе го доведе народот до ЦЕЛОСНА КАТАСТРОФА

Поранешниот руски претседател Дмитриј Медведев вчера изјави дека  секој упад на земја членка на НАТО на полуостровот Крим може да претставува објава на војна на Русија, што може да доведе до Трета светска војна.

– За нас Крим е дел од Русија. И тоа значи засекогаш. Секој обид за инвазија на Крим е објава на војна на нашата земја –  изјави Медведев за веб-страницата на весникот Аргументи и факти.

-А  ако тоа го направи земја членка на НАТО, тоа значи конфликт со целата Северноатлантска алијанса. Трета светска војна. Целосна катастрофа –  изјави Медведев, сега заменик-претседател на Советот за безбедност на Русија.

Тој, исто така, рече дека, ако Финска и Шведска се приклучат на НАТО, тие ќе ги зајакнат своите граници и ќе бидат „ подготвени за одмазда“, а тоа би можело да ја вклучи можноста за поставување хиперсонични ракети Искандер на „нивниот праг“.