РУСКИТЕ СИЛИ ВЛЕГОА И ВО ЛИСИЧАНСК! Во градот се водат тешки улични борби, здружените сили брзо напредуваат!

263
Во текот на денот пристигна информација дека Северодонецк паднал во руски раце





Руските сили и силите на самопрогласената Луганска народна република (ЛНР) влегле во Лисичанск , а борбата во моментов се води внатре во градот , изјави за ТАСС денес извор близок до Народната милиција ЛНР.

– Напредокот во Лисичанска продолжува. Во внатрешноста на населбата веќе се водат борби. Прерано е да се каже колкав дел од градот е под наша контрола во моментов, но заедничките сили во градот напредуваат доста брзо – изјавил неименуван извор, пренесува ТАСС.

Северодонецк, Украина

Северодонецк, Украина
Фото: Liveuamap/Printscreen

Офицерот на Народната милиција на самопрогласената ЛНР, Андреј Мароко, изјави претходно денеска дека неколку градски компании се под контрола на руските сили и силите на ЛНР, пренесе ТАСС.

Руски војник

Руски војник
Фото: Profimedia

Претходно, помошник-министерот за внатрешни работи на ЛНР, Виталиј Кисиљев, изјави за ТАСС дека украинските сили се обидувале да побегнат од Лисичанск во мали групи, но дека тие обиди биле спречени, наведува руската агенција.

Да потсетиме, градоначалникот на Северодонецк изјави дека руските сили целосно го окупирале овој стратешки важен град во источна Украина по неколку недели бомбардирање.

Тој претходно објави дека силите на Украина речиси го напуштиле овој стратешки град, за кој веќе неколку недели се водат тешки борби.