Речиси еден месец немаше руски напади врз украинската престолнина Киев заради специјална воена операција, па се чинеше дека мирот се вратил.

Браќата Кличко непосредно пред уништената зграда разговарале со германски новинар за актуелната ситуација во Украина, а најострите изјави против рускиот претседател стигнале од браќата, што не е изненадување, бидејќи во медиумите се познати како неговите најголеми критичари. 

Шефот на главниот град на Украина изјави дека противничката армија наводно не цели само на стратешки воени цели.

– Пред една недела четири непријателски авиони го прелетаа градот и ја уништија оваа фабричка зграда. Станува збор за таканаречената „специјална операција“ на Русите против наводните воени единици. Оваа фабрика со векови произведува жито, а не воена опрема. Единствената поента што ја гледам во нападот на оваа компанија е изгладнувањето на Украина и на цела Европа – изјави постариот од браќата Кличко.

Градоначалникот на Киев беше многу суров кога зборуваше за претседателот на Русија, Владимир Путин.

– Путин уништи животи на милиони луѓе. Тој ја започна оваа војна, може да ја заврши. Има многу шпекулации за тоа дали Путин ја започнал оваа војна затоа што е болен и не му останува уште многу живот. Но и јас немам информации за тоа, тоа е чиста шпекулација.

– Но, милиони луѓе чии животи Путин ги уништи имаат една огромна желба „Путин мора да замине или да исчезне или Бог да го земе при себе“ – рече Кличко.

Поранешниот боксер додаде дека неговата земја нема поддршка и побара итна помош во форма на оружје.

720- Сино небо, лето, илузијата е дека има мир. На неколку стотини километри од тука се водат жестоки битки. Русите имаат повеќе војници, повеќе артилерија и повеќе опрема, затоа итно ни треба поддршка. Сакам уште еднаш да нагласам: ние не ги браниме само нашите семејства, нашите градови и нашата земја. Ние ги браниме и вредностите на секоја западна демократија. Ни треба муниција, ни треба модерно оружје, одбранбено оружје.

На новинарско прашање што ќе се случи доколку ова оружје не дојде во следните денови и недели, Кличко одговори дека тоа значи уште поголема загуба на војници.

– Тоа значи дека ќе загинат уште украински херои. Тие се борат со едноставно оружје против современото оружје на Русите. Мора да ги браниме нашите војници и нашата земја, за тоа е важно да се набави модерно оружје. И уште еднаш нагласувам: ова е одбранбено оружје, ние само се браниме – рече градоначалникот на Киев.

Тој потоа зборуваше за потенцијална средба на тројца главни европски лидери во главниот град на Украина. Германскиот канцелар Олаф Шолц, францускиот претседател Емануел Макрон и италијанскиот премиер Марио Драги планираат патување во Киев пред самитот на Г7 кон крајот на јуни.