Путин: Цените на храната ќе растат, Русија е подготвена  зголеми извозот на пченица и да продава на цел свет

Шефот на руската држава напомена дека по почетокот на специјалната операција во Украина, САД и Европа почнале да преземаат чекори кои ја влошиле состојбата во прехранбениот сектор и производството на ѓубрива.

– Гледаме обиди одговорноста за тоа што се случува на пазарот на храна да се префрли на Русија, ова е префрлање на сопствената вина на друг – нагласи тој.

Според Путин, ситуацијата со глобалните ѓубрива ќе се влоши поради санкциите, а цените на храната ќе пораснат.

Рускиот лидер изјавата дека Москва наводно го спречува извозот на украинско жито ја нарече блеф и истакна дека е подготвен да го зголеми извозот на пченица на 50 милиони тони .

Тој го повика Киев да ја исчисти територијата под негова контрола за безбеден извоз на жито и додаде дека Русија веќе ја завршува работата за чистење на областа под нејзина контрола и е подготвена да обезбеди мирен транспорт на стоки и влез на бродови во Азов и Црното Море.

Во исто време, Путин го привлече вниманието на фактот дека украинското жито може да се извезува преку Дунав, Полска, а најевтино е преку Белорусија , но за тоа е неопходно да се укинат санкциите.