Песков: Русија ќе ги постигне сите свои цели во Украина

4

Москва – Русија ќе продолжи со воената операција во Украина додека не се постигнат сите нејзини цели, изјави денеска портпаролот на Кремљ, Дмитриј Песков.

 

„Една од главните цели на операцијата е да се заштитат луѓето во ДНР и ЛНР. „Преземени се мерки за да се обезбеди нивна заштита и се постигнати одредени резултати“, рече Песков, мислејќи на двата самопрогласени региони во Украина кои се поддржани од Русија, пренесува Ројтерс.

Тој исто така рече дека нема договор за датумот на евентуален референдум во Донбас и другите региони на Украина под контрола на руските војници.

„Не, сè уште нема договор за временската рамка“, рече Песков, одговарајќи на прашањето за ставот на Кремљ за тоа кога би можело да се одржат референдуми за прием на овие територии во Русија, пренесе Тас.