Медведев: Во случај на напад на Украина, Русија ќе ги нападне центрите за одлучување во Киев – Не донесувајте одлуки под дејство на дрога

558

Заменик-претседателот на Советот за безбедност на Русија напомена дека овие центри не се наоѓаат на територијата на Киев.

 

Москва ќе ги нападне украинските „центри за одлучување“ доколку Киев употреби оружје што го добил од САД за напад на руска територија, изјави заменик-претседателот на рускиот совет за безбедност Дмитриј Медведев во интервју за катарската телевизија Ал Џезира.

„Доколку овие видови оружје се користат против територијата на Русија, вооружените сили на нашата земја нема да имаат друг избор освен да ги нападнат центрите за одлучување“, рече тој.

„Очигледно е кои се центрите за одлучување: Министерството за одбрана, Генералштабот и така натаму“, продолжи тој. „Но, треба да се разбере дека во овој случај, крајните центри за одлучување, за жал, не се наоѓаат ниту на територијата на Киев. Затоа дефинитивно е закана со која треба да се смета“.

 

Медведев додаде дека украинските власти мора да разберат дека одбивањето да преговараат со Русија може да им донесе губење на националниот суверенитет и дека мора да размислуваат за тоа трезвено, а не под дејство на дрога.