Руското Министерство за одбрана потврди дека украинските лаборатории се вклучени во системот на Пентагон за глобална контрола на ширењето на заразни болести

Руското Министерство за одбрана потврди дека украинските лаборатории се вклучени во системот на Пентагон за глобална контрола на ширењето на заразни болести, изјави Игор Кирилов, началник на Единицата за радијациона, хемиска и биолошка заштита на руските вооружени сили.

Тој објасни дека основата на оваа мрежа бил научно-истражувачкиот институт на копнената армија „Волтер Рид“ во американската држава Мериленд. Пентагон започна да ја формира оваа мрежа во 1997 година. Се состои од лаборатории на копнени и поморски сили, како и воени бази лоцирани во различни региони во светот, додаде Кирилов.

Тој изјави и дека лабораторијата во градот Мерефе во областа Харков во Украина почнала да се користи со заобиколување на прописите и барањата за биолошка безбедност.

„Американците побараа да се зголеми нивото на биолошка заштита во лабораторијата во градот Мерефе. Организацијата „Харковпроект“ одби да го одобри проектот поради неисполнување на условите за работа. Но, регионалната управа одлучи да продолжи со реконструкцијата. Објектот е пуштен во употреба но надвор од прописите и без исполнување на биосигурноста. „Пентагон потроши вкупно околу 15 милиони долари за модернизација, но не се знае каде всушност отишле тие пари“, рече Кирилов.

Биолошките лаборатории во многу земји се подредени на САД

Пентагон се преправа дека им помага на различни земји во борбата против заразните болести, а потоа ги презема нивните национални проекти и лаборатории и ги вклучува во својот глобален систем, објасни Кирилов.

Проширувањето на таквата мрежа се реализира според стандардното сценарио. Во првата фаза, Американците покажуваат загриженост за епидемиолошката состојба во регионот. И понатаму се обидуваат да ги интересираат функционерите, пред се од Министерството за здравство, а потоа се потпишуваат меѓувладини договори, рече тој.

Тој додаде дека Русија има информации за десет воено-биолошки проекти организирани од Пентагон во Украина, во кои се планира работа со патогени на особено опасни инфекции.

Тој исто така појасни дека има многу докази дека истражувањата со опасни патогени, спроведени од Пентагон, биле спроведени во украински биолаборатории, но персоналот немал доволно ниво на заштита.