Командант на руските стратешки ракетни сили: Нема противракетна одбрана за Сармат и нема да има во наредните децении

173

Новата руска интерконтинентална балистичка ракета „Сармат“ може да лета над Северниот и Јужниот Пол, како и по други рути, изјави командантот на стратешките ракетни сили Сергеј Каракаев во програмата „Воен прием“ на ТВ каналот „Ѕвезда“.

Тој објасни дека можноста за промена на правецот на летот се реализира поради односот на моќноста и тежината на новиот ракетен систем.

 

„Од нашата рута низ Северниот Пол, доколку е потребно, може да се постигне траса преку Јужниот пол, која денес, во принцип, не е заштитена. И има можности за други орбити – во однос на можноста за лансирање во вселената“, истакна Каракаев.

Тој, исто така, посочи дека средствата за пресретнување на ова оружје веројатно нема да бидат создадени во блиска иднина.

„Енергетските способности на новиот ракетен систем, земајќи ја предвид постоечката борбена опрема и комплексот на одбранбени средства, денес кажуваат дека за ракетниот систем „Сармат“ нема ракетна одбрана и веројатно нема да постои во наредните децении. – додаде командантот на стратешките ракетни сили.