Кисинџер во Давос: Украина да направи територијални отстапки кон Русија за да има мир во Европа во спротивно Русите ќе ја завземат цела Украина

43
Хенри Кисинџер

„Русија и Украина мора да седнат на преговарачка маса што е можно поскоро“, изјави поранешниот американски државен секретар Хенри Кисинџер во Давос, цитиран од агенциите. Според него, доколку не се обноват мировните преговори во рок од два месеци, непријателствата би можеле да се прошират низ европскиот континент.

„Западот е должен да влијае на Украина за да ги продолжи преговорите со Русија, дури и ако Киев треба да направи голем број отстапки“, рече Кисинџер.

Киев остро реагираше на таквиот предлог, велејќи дека Украина нема да направи никакви отстапки за Москва и дека ќе се бори да го одбрани својот суверенитет. Кабинетот на украинскиот претседател смета дека Западот инсистира на тоа во негова корист за да ги „наполни џебовите“.

Советникот на претседателот Зеленски, Михаило Подолијак, кој ја предводи украинската делегација на разговорите со Москва, напиша лута објава на Твитер.

Се вели:

„На маргините на Меѓународниот економски форум во Давос велат: не е ли време за примирје, договори со Кремљ и враќање на бизнисот со Русија. Што е ова, нов вирус што води до слепило? Украина не разменува нејзиниот суверенитет некој да ви ги наполни џебовите. Најкраткиот пат до крајот на војната е – оружје, пари, ембарго“.

„Преговорите мора да започнат во следните два месеци пред да се појават тензии кои тешко ќе се надминат. Идеално, линијата на поделба треба да биде враќање на претходната статус кво“, рече Кисинџер. Ова ја вклучи Украина со регионите Луганск и Доњецк, а Русија – со Крим.

Според британскиот весник Телеграф, со овие зборови политичарот ја повикал Украина да и отстапи дел од територијата на Русија.

Според Кисинџер, ако борбите не завршат, тоа повеќе нема да биде за слободата на Украина. „Ова ќе биде нова војна против самата Русија“, рече Кисинџер.

Според Business Insider, на овој начин Кисинџер го предупредил Западот дека понижувачки пораз за Русија може да доведе до поголема дестабилизација.

Покрај тоа, во својот говор на форумот во Давос, Кисинџер потсети дека Русија е нераскинлив дел од Европа веќе 400 години и гарант на рамнотежата на силите, па затоа европските лидери не треба да ја исклучуваат долгорочната соработка со Руската Федерација. Политичарот појасни дека не вреди да се турка Москва на сојуз со Пекинг.