„ЌЕ СЕ ПРИПОИМЕ НА РУСИЈА, НЕ САКАМЕ ДА БИДЕМЕ НЕЗАВИСНИ“ Една земја остана без клучна област

– Не планираме да бидеме посебна независна република. Нашата главна задача е да бидеме субјект во рамките на Руската Федерација –  изјави Стремусов за РИА Новости.

Тој изјави дека Херсонската област, која се наоѓа на југот на Украина, нема да избрзува со референдумот за самоопределување.

– Имајќи предвид дека резултатите од референдумот и онака нема да бидат признати од западните земји, неговото одржување сега е губење време. Затоа не ни помисливме на референдум – изјави Стремусов.

Според него, процесот на транзиција кон стандардите на руското законодавство треба да биде завршен до крајот на годината и дури тогаш може да се донесе одлука за референдумот и идниот статус на регионот.

Стремусов посочи дека властите на Херсонската област ќе побараат во регионот да се постави руска воена база која треба да биде гаранција за безбедноста.

Тој изјави и дека рускиот јазик заедно со украинскиот ќе добие статус на државен јазик.